Gengum .. ekki ..

Við bara komumst ekki í dag, fórum í fyrra og það var bara mjög gaman .. Viktor elskar að safna peningum fyrir þá sem virkilega þurfa þá, safnar alltaf fyrir jólin í bauk og fer með hann í kirkjuna. Í dag var ég í skólanum til 2, hann fór á samæfingu á Reyðarfirði og ekki má gleyma tiltektinni í bílskúrnum á Miðgarði svo við vorum bara upptekin ;) .. Núna var ég að koma úr buzz partýi hjá Jóku og Willa sem var svaka stuð eins og vanalega, gerðum þetta líka síðustu helgi. Núna var ég bara stutt, bara rétt á meðan strákarnir (Viktor og Hjálmar) voru að horfa á mynd .. Það er sleep over hjá þeim, mamma spurði þá áðan hvort þeir væru að fara að sofa saman !! Og það samþykktu þeir sko ekki .. NEI við erum að gista saman !

Ég skilaði 7 ísl verkefnum í dag og jesús hvað það var gott, léttir ** Núna bíður bara danskan skemmtilega ;) Við Heiða Berglind erum að meika það þar .. he he ..

Sætur styttuperri í Bergen ..

Góða nótt fallega fólk ..

Gleymdi einu, það fauk ruslatunna í rauðu þrumuna í nótt, brjálað veður á bökkunum aldrei þessu vant ;)

 

Dræm þátttaka í Göngum til góðs

Geggjað myndband .. lofa

Með bjór í annarri og razz í hinni er þetta myndband það fyndnasta sem þú hefur séð, en með popp í annarri og kók í hinni er þetta bara nokkuð gott .. Get hlegið endalaust af þessu ;)

Bloggið sem hvarf !

Var búin að skrifa helling en það hvarf allt svo ég set bara inn eina sæta mynd sem ég alveg elska, er með hana á ísskápnum ** Þetta er í útskriftinni hennar Halldóru á Ak .. Var að sækja þessar myndir í "Sún", ég átti enga tölvu þegar ég vann þar svo ég setti alltaf myndirnar mínar þangað ;)

Fékk súper flottan brúnan sófa með rósum á í dag .. Takk pabbi minn ..

Og til hamingju með afmælið Jóka .. Lifðu í lukku en ekki í krukku ;) Lov ja

Morðæði í Seldal

Já ég skal sko bara segja ykkur það ! Við Sigga urðum fyrir hrottalegri árás inní Seldal í dag .. .. Morðóður HRÚTUR réðst (næstum) á okkur. Sem betur fer erum við léttar á fæti og fimar í gras og lækjar hlaupi. Allt endaði þetta nú vel en hjartslátturinn hjá okkur fór aðeins yfir mörkin þarna á hlaupunum .. Úff, þetta var nú bara hræðilegt, vissum ekki alveg hvort við ættum að hlægja eða gráta. EN PASSIÐ YKKUR Á MORÐÓÐA HRÚTNUM Í SELDAL, á eftir að rannsaka af hvaða ættum hann er, læt ykkur vita ! Hann er allavega grimmur með horn svo PASSIÐ YKKUR **

Annars var helgin bara fín, mikið lært og sofið .. Matur og Singing BEE hjá Siggu á föstudaginn = þvílík snilld, að vísu er Sigga miklu betri í þessu en ég svo eitt mínusstig fyrir það ! Fótboltaþjálfunin gengur bara vel, er með skemmtilegan hóp af stelpum í 3. og 4. bekk .. Þarf að koma mér inn í reglur og svoleiðis mál, annars er ég bara vel sett.

Skokkum og deyjum hraust

Mér er illt ..

.. í pínku ponku litlu gati sem ég er með á mér, mig klæjar líka í það og er búin að stelast til að taka umbúðirnar af .. he he .. Hvað ef það væri nú e-ð meira eða stærra að hrjá mig ? Ég myndi ábyggilega leggjast í þunglyndi ! Ætli það flokkist ekki undir að vera aumingi að vorkenna sér yfir svona litlum hlut .. Annars vorkenni ég mér mest yfir því að Stella sé flutt ! Er held ég ekkert búin að fatta þetta ennþá, er bara hálf móðguð við hana núna .. Fór að kveðja þau á þriðjudaginn og fannst bara ekkert erfitt að kyssa þau bless, fékk svo sms frá henni morguninn eftir hvað henni hafi þótt þetta erfitt og við hefðum verið svo duglegar að gráta ekkert .. he he .. Hún þolir ekki að kveðja fólk ;) En núna er stefnan bara tekin á DK á næsta ári, þar að fara að mennta mig e-ð af viti og held að það sé fínt að gera það þarna. Er meira að segja í tvöföldu dönsku námi ! Svo er ég líka að rembast við að klára námið sem ég er í, er í fjórum fögum núna og er næstum að kafna ! Er að byrja á ritgerð um átröskun núna, er búin að gera forsíðuna .. Það finnst mér skemmtilegast !!

.. Á frí næstu helgi .. Jibbí

Get a life .. Toppið þetta

Er ekki í lagi, er þetta einhver pissukeppni ? Hvað er þessi belja að opna á sér kjaftinn .. OG HVAÐ ER ÉG AÐ LESA ÞESSA GREIN - Jú ég á að vera að læra ! Við stelpurnar í uppeldisfræðinni eigum að vera með 10 mín fyrirlestur á laugardaginn .. úff og púff .. Frekar er ég að læra fram í tíman í ísl og lesa mbl

** Arrrrrg .. Farin að læra **

Britney hóf fíkniefnaneyslu 15 ára

"Ágúst" litli er fæddur ..

Elsku Willi og Jóhanna .. Til hamingju með stráksa

Hérna er smá sýnishorn af guttanum .. Strax orðin dissari

 

Klukk og kani ..

Var að koma heim af barnum .. Edrú og búin að spila fullt af kana, við Guðný kíktum til Willa og Jóhönnu kasóléttu og spiluð kana eins og brjálæðingar, Willi var tapsár og þá er ennþá skemmtilegra að spila  Ætlum að endurtaka þetta fljótlega ! Svo er það bara YATZY og krossorðaspil á milli .. Gott að eiga góða granna. María var að klukka mig og ekki guggna ég nú á því !

Fjögur störf sem ég hef unnið við:

SVN - síld ´95 eða e-ð

Melabúðin - kassaskvísa og bókhald

Fjarðasport - afgreiðsla og bókhald

Nesskóli - skólaliði og síðan leiðbeinandi

Fjórar bíómyndir sem ég hef horft oft á:

Benny og Joon

Notting Hill

Aracnophobia

Já þetta var það eina sem mér datt í hug

Fjórir staðir sem ég hef búið á:

Miðgarður - Nesk

Þiljuvellir - Nesk

Furugrud - Kóp

Sæbakki - Nesk .. ég veit, ég veit. Er ekki mikið að flytja !

Fjórir sjóvarpsþættir sem ég horfi á:

Top gear

CSI - allar gerðir

Design star

The IT crowd og fullt fullt í viðbót

Fjórar bækur sem ég hef lesið oft:

ENGIN ! Bara einhverjar barnabækur, les svo hægt að ég legg ekki í að lesa sömu bókina oftar en einu sinni .. he he .. Les annars bækur eftir Arnald og Mary Higgins Clark svona helst.

Fjórir staðir sem ég hef heimsótt í fríum:

Bergen (3)

Tenerife

London

Portúgal og fullt af fleiri þegar ég var krakkaormur.

Fjórar síður sem ég skoða daglega fyrir utan blogg:

Mbl

Google

Myndsíðan hennar Siggu ( tengill á síðunni )

Facebook svona fjórða hvern dag, er ekki mikill tölvunörd

Fernt sem ég held uppá matarkyns:

BBQ kjúklingur

Pizza ( a la Þóra, Stella, Sigga ofl )

Mexico-osta pasta með miiiklum sveppum

Hrísgrjónagrautur .. ummmm

Fjórir bloggarar sem ég klukka:

Þóra

Stella

Svo þarf að hrista upp í Steinku og Huggu

Sko þetta gat ég ! Skóli í fyrramálið svo ég ætti nú að fara að sofa, svo kom nú sú hugmynd í kvöld að fara til AK á morgun, Skímó í Sjallanum.

Ætla að taka úr þvottavélinni, er búin að vera að bíða eftir henni ..

Tekin .. í ..

Já haldið þið ekki bara að ég hafi verið tekin áðan .. og ekkert dirty ! Bara af litlum löggumanni sem var held ég bara með móral yfir því að hafa tekið mig .. he he .. Mér fannst það nú bara gott hjá honum, maður á ekki að keyra hratt ..

Fór líka til tannsa í dag svo þetta verður pínu dýr dagur svona yfir heildina .. Kíkti á RFJ til Jóns Hafliða frænda, hann er æðislegur tannlæknir .. Enda komin af góðum ættum ;)

Svo er Viktor farin að æfa á bassa, ætlaði ekki að ná honum út frá Jóni Hilmari í dag .. Og honum finnst óóógeðslega langt þangað til að hann fer aftur á föstudaginn .. Byrjar vel .. Núna þarf ég bara að finna mér bassa til að kaupa svo hann verði nú klár í hljómsveitina sem er í myndun. Verst að það eru í boði 3 trommuleikarar

Langaði að sýna ykkur hana Tinnu sætu frænku mína, algjör bjútíbolla þessi stelpa. Sigga tók þessa mynd fyrir ljósmyndasamkeppni, þemað var grænt !  

 

 

 Grænt grænt grænt er .. ..

Ætli þetta komi ekki í ljós ..

Auðvitað eru frakkar sigurvissir, erum við það ekki líka ?

Ég er allavega súper spennt og byrjuð að baka fyrir leikinn. Við Viktor ætlum í heimsókn í Bjarmaland (fréttum af amerískum pönnukökum þar) og svo verður líka kíkt í "Kirkjugarðinn" .. Veit að á báðum stöðum verður brjálað stuð  

Mikið rosalega langar mig að heyra íslenska þjóðsönginn í dag, maður fær nú ekki oft þá tilfinningu .. Ég segi bara ::::::::::

Áfram Ísland <3

Telja fullvíst að Frakkar vinni Íslendinga